കാലത്തിനു മായ്ക്കപ്പെടാന്‍ കഴിയാത്ത ചില വ്യക്തിത്വങ്ങള്‍ നമ്മി
ല്‍ പലരുടെയും ഹൃദയത്തില്‍ എപ്പോഴും ഉണര്‍ന്നിരിക്കാറുണ്ട് അത് നമ്മുടെ
ബന്ധമാവണമെന്നില്ല. കുടുംബ മാവണമെന്നില്ല. തികച്ചും യാദൃശ്ചികമായ
ഒരു കണ്ടുമുട്ടലും പലപ്പോഴും നമ്മെ ആകര്‍ഷിക്കുന്ന, നാം ആദരിക്കുന്ന വ്യ
ക്തിത്വങ്ങളായി മാറുന്നു.,....
ഇ അഹമ്മദ് സാഹിബ് അത്തരത്തില്‍ ഞാന്‍ ആദരിക്കുന്ന ഒരു വ്യക്തിത്വത്തി
ന്റെ ഉടമയാണ്..ഒരു രാഷ്ട്രീയക്കാരനോ, ലീഗ് അനുഭാവി എന്നവകാശ പ്പെടാ
വുന്ന ഒരാളോ അല്ല ഞാന്‍....എങ്കിലും "ചന്ദ്രിക" ദിന പത്ര സ്ഥാപകരും മുസ്ലിംലീഗ് എന്ന സംഘടനയുടെ സ്ഥാപകരും, ബഹുമാന്യരായ അന്നത്തെ നേതാക്കളും ഇന്നും ഞാന്‍ ബഹുമാന പുരസ്സരം ആദരിക്കപ്പെടുന്ന വരാണ്. അവര്‍ക്ക് പകരം വെക്കാന്‍ ഇന്ന് ലീഗ് നേതൃത്വത്തിലോ, "ചന്ദ്രിക" ഭരണ സമിതിയിലോ ആരുമില്ല എന്നതാണ് സത്യം.
സീതി സാഹിബ് സൈദ്‌ അബ്ദുറഹിമാന്‍ ബാഫഖി തങ്ങള്‍, സി.എച്.എം. കോയാ സാഹിബ്, പാണക്കാട് പൂക്കോയ തങ്ങള്‍, സൈദ്‌ ഉമ്മര്‍ ബാഫഖി തങ്ങള്‍ സി.കെ.പി ചെറിയ മമ്മുക്കെയി, എം.കെ ഹാജി, വി.പി മഹമൂദ് ഹാജി , എ.വി.അബ്ദുറഹിമാന്‍ ഹാജി, ഒ.കെ മുഹമ്മദ്‌ കുഞ്ഞി സാഹിബ്, നഹാ സാഹിബ്, ബി.വി അബ്ദുള്ള ക്കോയ സാഹിബ്, തുടങ്ങി സംസ്ഥാന നേതൃ നിരയില്‍ ഒരു പക്ഷെ നന്നെ ചെറുപ്പമായ ഇ. അഹമ്മദ് സാഹിബിന്‍റെ ശബ്ദവും സാമിപ്യവും മുസ്ലിം ലീഗിന്റെ വളര്‍ച്ചാ ഘട്ടത്തിലെ പ്രധാന ഘടകം തന്നെയാണ്
ഞാന്‍ "ചന്ദ്രിക" ദിനപത്രത്തിലെ പ്രിന്റിംഗ് ട്രെയിനിയായിരുന്ന കാലം അതായത് 1974ല്‍ ആണ് ഞാന്‍ അഹമ്മദ് സാഹിബിനെ ആദ്യമായി കാണുന്നത്.ചന്ദ്രിക പത്രത്തിന്‍റെ ഉടമകളായ The Muslim Printing & Publishing Co. യുടെ ഡയറക്ടര്‍ ബോര്‍ഡ് അംഗമായിരുന്നു അഹമ്മദ് സാഹിബ്. ബോര്‍ഡ് മീറ്റിംഗില്‍ പങ്കെടുക്കാനെത്തിയ സൈദ്‌ അബ്ദുറഹിമാന്‍ ബാഫഖി തങ്ങള്‍, പാണക്കാട് പൂക്കോയ തങ്ങള്‍, (ശിഹാബ് തങ്ങളുടെ ഉപ്പ) സി.കെ.പി.ചെറിയ മമ്മുക്കെയി, എം.കെ ഹാജി, തുടങ്ങിയവര്‍ "ചന്ദ്രിക"പ്രസ്സിലെ നമസ്കാരപ്പള്ളിയില്‍ ബഹു. ബാഫഖി തങ്ങളുടെ ഇമാമിയത്തില്‍ നമസ്കാരത്തിനെത്തിയ അഹമ്മദ് സാ ഹിബ്,.. അന്നാണ് അഹമ്മദ് സാഹിബിനെ ഞാന്‍ ആദ്യമായി കാണുന്നത്.
ശബ്ദ സൌകുമാര്യം കൊണ്ടും, ഭാഷാ ഉച്ചാരണ സ്ഫുടതകൊണ്ടും, ഉപമകളും ഫലിതരസം നിറഞ്ഞതും ആരെയും ഒരു നിമിഷം പിടിച്ചു നിര്‍ത്താന്‍ കഴിവുള്ള സി.എച്.മുഹമ്മദ്‌ കോയാ സാഹിബിന്‍റെ പ്രസംഗ ശൈലി അത് അദ്ദേഹത്തിനു മാത്രം അവകാശപ്പെട്ടതാണ് എങ്കിലും ഇ.അഹമ്മദ് സാഹിബിന്‍റെ പ്രസംഗവും , അഖിലെന്ത്യാ നേതാക്കളായ - ഇസ്മായില്‍ സാഹിബിന്റെയും, സുലൈമാന്‍ സെട്ടൂസാഹി ബിന്റെയും, ബനാത്ത് വാലയുടെയും പ്രസംഗങ്ങള്‍ പരിഭാഷപ്പെടുത്തിയും അദ്ദേഹം മുന്‍കാല ലീഗ് പ്രവര്‍ത്തകരെ ആവേശം കൊള്ളിക്കാന്‍ പോന്നതായിരുന്നു എന്നതാണ് ഇ അഹമ്മദ് സാഹിബിനെ യും എന്‍റെ ആദരണീ യനാക്കിയത്
ഞാന്‍ ഖത്തറില്‍ ആയിരിക്കെ, അവിടുത്തെ "ചന്ദ്രിക" റീ ഡേര്‍സ് ഫോറവും
ഖത്തര്‍ മുസ്ലിം ലീഗ് കമ്മിറ്റി യും സംഘടിപ്പിച്ച ഈദ് പരിപാടിയില്‍ പങ്കെടു
ക്കാനെത്തിയപ്പോഴാണ് ഞാന്‍ അഹമ്മദ് സാഹിബിനെ അവസാനമായി നേരി
ല്‍ കാണുന്നത്. അന്ന് പരിപാടിയില്‍ എം.കെ മുനീറും ഉണ്ടായിരുന്നു. ഇത് 1979 ലോ മറ്റോ ആണെന്നാണ്‌ എന്‍റെ ഓര്‍മ്മ. അതിനു ശേഷം അഹമ്മദ് സാഹിബിനെ നേരില്‍ കണ്ടിട്ടില്ല. എങ്കിലും അദ്ദേഹത്തിന്‍റെ ഓരോ ഘട്ട രാഷ്ട്രീയ പ്രവര്‍ത്തനവും ഉയര്‍ച്ചയും ഞാന്‍ ശ്രദ്ധിക്കാറുണ്ട്..
മുസ്ലിം ലീഗിന്റെ പ്രയാണവും,അതോടൊപ്പം" ചന്ദ്രിക" പത്രത്തിന്‍റെ പുരോഗതിയും എന്നും വളരെ ആവേശത്തോടെ നിരീക്ഷിക്കുന്ന ഒരുവനാണ് ഞാന്‍. പ ഴയകാല മുസ്ലിം നേതാക്കളില്‍ ഇനി ജീവിച്ചിരിക്കുന്ന
വരായി ആരും ഇല്ല എന്നു തന്നെ പറയാം. മുസ്ലിം ലീഗിന്റെ ആദരണീയ നേതാക്കളുടെ പരമ്പരയിലെ അവസാനത്തെ കണ്ണിയായി ഇ. അഹമ്മദ് സാഹിബിന്‍റെ വിയോഗത്തെ വിലയിരുത്തുന്നതില്‍ തെറ്റില്ലെന്ന് കരുതുന്നു.
എം.എസ്. എഫി ലൂടെ, "ചന്ദ്രിക" പത്രത്തില്‍ എഡിറ്റോറിയല്‍ സ്റ്റാഫ് അംഗമായും ഇപ്പോള്‍ മുസ്ലിം ലീഗിന്റെ നേതാവുമായ ഉമ്മര്‍ പാണ്ടികശാലയും, മാവൂര്‍ ഗ്വാളിയോര്‍ റയന്‍സ് സ്വതന്ത്ര തൊഴിലാളി യൂണിയന്‍ വഴി ഇന്നത്തെ മുസ്ലിംലീഗ് നേതൃ നിരയിലും, വിദ്യാഭ്യാസ മന്ത്രിയും ഇപ്പോള്‍ എം.പി.യും ഒക്കെയായി ഇ.ടി . മുഹമ്മദ്‌ ബഷീര്‍ സാഹിബും അല്ലാതെ ലീഗിന്റെ പഴയ പ്രൌഡ ശ്രേണിയില്‍ പെട്ട മറ്റാരും ഇന്ന് ലീഗില്‍ ഇല്ല. കുഞ്ഞാലിക്കുട്ടി സാഹിബും, ഇന്നുള്ള മറ്റു നേതാക്കളാരും തന്നെ അക്കാലത്തെ ലീഗിന്നു അപരിചിതം.
ഇ അഹമ്മദ് സാഹിബിന്‍റെ വേര്‍പാട് എന്നെ വല്ലാതെ അസ്വസ്ഥനാക്കി. കണ്ണിലും, മനസ്സിലും അദ്ദേഹത്തിന്‍റെ ചിത്രങ്ങള്‍ വന്നു മറഞ്ഞുകൊണ്ടിരുന്നു.
'അഹമ്മദേ' എന്നുള്ള അബ്ദുറഹിമാന്‍ ബാഫഖി തങ്ങളുടെ വിളി കാതില്‍ വന്നലക്കുന്നു....ആ വിളി എന്നോ നിലച്ചു...ഗുരുത്വ പുരസ്സരം ആ വിളി ആസ്വദിക്കുന്ന അഹമ്മദ് സാഹിബും ഇന്ന് നമ്മോടൊപ്പമില്ല.........
റബ്ബുല്‍ ആലമീനായ തമ്പുരാന്‍ നമ്മെ വിട്ടു പിരിഞ്ഞവര്‍ക്ക് മഗ്ഫീറത്ത് നല്‍കുമാറാകട്ടെ...ആമീന്‍
*************************
*************************
"ചന്ദ്രിക" പത്രവും, അന്നത്തെ സമുന്നതരായ മുസ്ലിം ലീഗ് നേതാക്കളുമായും എഴുപതുകളില്‍ വളരെ അടുത്തിടപഴകാന്‍ കഴിഞ്ഞ, മുസ്ലിം ലീഗുകാരല്ലാത്ത
ഒരു കുടുംബം. എഴുപതില്‍ എന്‍റെ ഉപ്പ "ചന്ദ്രിക" കാന്റീന്‍ നടത്തിപ്പ് കരാര്‍ എടുത്തത് മുതല്‍, അന്ന് മോഡല്‍ ഹൈസ്കൂളില്‍ എട്ടാം ക്ലാസ്സില്‍ പഠിച്ചു കൊണ്ടിരുന്ന ഞാന്‍, പിന്നെ എന്‍റെ പഠിപ്പും, കിടത്തവും എല്ലാം കാന്റീനില്‍ ആയിരുന്നു. ജീവനക്കാരുടെ പറ്റു കണക്ക് അക്കൌണ്ടിലേക്ക് ചേര്‍ത്തി വേക്കുന്ന ജോലിയൊക്കെ എന്നെ എല്പ്പിച്ചായിരുന്നു ഉപ്പ രാത്രില്‍ വീട്ടിലേക്കു പോവുക..പിന്നെ എന്‍റെ അടുത്ത അനിയന്‍ "ചന്ദ്രിക"യില്‍ കമ്പോസിംഗ് ട്രെയിനി യായി കയറി. പത്താം ക്ലാസ് കഴിഞ്ഞ ഉടനെ ഞാനും "ചന്ദ്രിക"യില്‍ പ്രിന്റിംഗ് ട്രെയിനിയായി കയറി, ൩ വര്‍ഷത്തെ ട്രെയിനിംഗ് സമയത്തു തന്നെ എന്നെ ചന്ദ്രിക നോണ്‍ ജേര്‍ണലിസ്റ്റ് എംപ്ലോയീസ് യൂനിയന്‍റെ ഖജാഞ്ചി സ്ഥാനത്തേക്ക് തിരഞ്ഞെടുത്തു...
ലീഗിന്റെ പിളര്‍പ്പും, റെയില്‍വേ സമരവും അടിയന്തിരാവസ്ഥയും, തുടര്‍ന്ന് രാജ്യമാകെയും, "ചന്ദ്രിക" യിലും, ലീഗിലും പ്രത്യേകമായും വിമത പ്രശ്നവും ഒക്കെയായി ആകെ കുഴഞ്ഞു മറിഞ്ഞ അന്തരീക്ഷവും , ഞാന്‍ ചന്ദ്രികയില്‍ നിന്നും പുറത്താക്കപ്പെടുകയും, പിന്നെ "വീക്ഷണം" പത്രത്തിലെ പ്രിന്‍റര്‍ ആയി.................... എല്ലാം 'ജീവിതയാത്ര' എന്ന പരമ്പരയില്‍ എഴുതിക്കൊണ്ടിരിക്കുന്നു.
ഈ ബ്ലോഗില്‍ത്തന്നെ 'ജീവിത യാത്ര ' വായിക്കുക ..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ